29-cu Yay Olimpiya Oyunlarında, Yunan-Roma güləşi üzrə yarışların son günüdə, əslən erməni olan isveçli güləşçi Ara Abrahamyanın medalların təqdim olunma mərasimindəki etdiyi hərəkət, BOK (Beynəlxalq Olmpiya Komitəsi) prezidenti Jak Roqqu hirsləndirib. FİLA (Beynəlxaql Güləş Federasiyaları Birliyi) Prezidenti Rafael Martinettiyə zəng vuran Jak Roqqun, isveçli güləşçinin etirazının səbəbini soruşduğu və bu məsələnin araşdırılmasını tapşırdığı bildirilir. FİLA Prezidenti Martinetti isə Jak Roqqa, güləşdə bəzən idmançı və məşqçilərin hakim qərarlarına etdiraz etdiklərini bildirərək, Ara Abrahamyanın ona qarşı haqsızlıq olduğunu iddia etdiyi qrup mərhələsi final oyunu görüntülərinin, hələ yarışlar başa çatmamış videodan izlənildiyini bildirib.
Qeyd edək ki, İsveçin erməni əsilli güləşçisi Ara Abrahamyan, İtalyan Minquzzi ilə keçirdiyi qrup mərhələsinin final görüşündə, hakimlərin onu xallarını hesaba almadığını iddia etmiş və uzun müddət öz etirazını bildirib. Etirazların nəticəsiz qaldığını görən Ara Abrahamyan boynundakı bürünc medalın lentini qırıb yerə tullayaraq:«Mən türklə bir pillədə dayanmaq niyyətində deyiləm» bəyanatını verərək, təltifetmə mərasimindən qaçıb və bununla da yüz minlərlə tamaşaçıya hörmətsizlik edib.